હોટલ તાજ અને એરપોર્ટને ઉડાવી દેવાની ધમકી

મુંબઈ પોલીસ કંટ્રોલ રૂમને મેસેજ મોકલનાર વ્યક્તિની ધરપકડ કરાઈ

મુંબઈ પોલીસ કંટ્રોલ રૂમને ૨૭ મેના રોજ ધમકીભર્યો કોલ આવ્યો હતો. જેમાં ફોન કરનારે કહ્યું કે મુંબઈની તાજ હોટલ અને મુંબઈ એરપોર્ટ પર બોમ્બ મુકવામાં આવ્યા છે. આટલું કહીને તેણે ફોન કાપી નાખ્યો. ઘટનાની ગંભીરતાને ધ્યાનમાં લઈને પોલીસે ઉલ્લેખિત સ્થળની શોધખોળ હાથ ધરી હતી. પરંતુ, ક્યાંય પણ શંકાસ્પદ વસ્તુ મળી ન હતી. હવે પોલીસે આરોપીની ધરપકડ કરી લીધી છે. કંટ્રોલ રૂમને બોમ્બની ધમકીનો મેસેજ મોકલનાર આરોપીની મુંબઈ પોલીસે ધરપકડ કરી છે. પોલીસે આરોપીનો મોબાઈલ ફોન પણ જપ્ત કર્યો છે.