આજે કેન્દ્રીય બજેટ : જીડીપી ૭ ટકા રહેવાનો અંદાજ

સમગ્ર દેશની નજર બજેટ ઉપર । બજેટમાં ટેક્સ આવક મર્યાદામાં છૂટછાટ મળવાની શક્યતા ખેડૂતોની કિસાન સન્માન નિધિ સહાય વાર્ષિક ૬ હજારથી વધી ૮ હજાર કરાય તેવી સંભાવના : નાણાકીય વર્ષ ૨૦૨૪-૨૫માં દેશનો વાસ્તવિક જીડીપી દર ૬.૫ ટકાથી ૭૦ ટકાની વચ્ચે રહેવાનો અંદાજ

નાણામંત્રી નિર્મલા સીતારમણે સોમવારે સંસદમાં નાણાકીય વર્ષ ૨૦૨૩-૨૪ માટે આર્થિક સર્વે ૨૦૨૪નો રિપોર્ટ રજૂ કર્યો. આર્થિક સર્વેક્ષણ ૨૦૨૪ અનુસાર, નાણાકીય વર્ષ ૨૦૨૪-૨૫માં દેશનો વાસ્તવિક જીડીપી દર ૬.૫ ટકાથી ૭ ટકાની વચ્ચે રહેવાનો અંદાજ છે. નાણામંત્રી નિર્મલા સીતારમણ ૨૩ જુલાઈએ સંસદમાં સામાન્ય બજેટ રજૂ કરશે. બજારની અપેક્ષાઓ ઊંચી રહે છે તે હકીકતને ધ્યાનમાં લેતા આર્થિક સર્વે દસ્તાવેજ જોખમોને સંતુલિત રાખે છે. આ વૃ દ્ધિનું અનુમાન ઇન્ટરનેશનલ મોનેટરી ફંડના ૭ ટકાના અંદાજને અનુરૂપ છે. જો કે, આ નાણાકીય વર્ષ ૨૦૨૫ માટે ભારતીય રિઝર્વ બેંકના ૭.૨ ટકાના વૃ દ્ધિ અંદાજ કરતાં ઓછું છે.નાણામંત્રીએ કહ્યું કે નાણાકીય વર્ષ ૨૦૨૪માં આર્થિક વિકાસ દર ૮.૨ ટકા રહેવાનો અંદાજ છે. નાણાકીય વર્ષ ૨૦૨૫માં અર્થવ્યવસ્થા ૬.૫ થી ૭ ટકાની વચ્ચે રહેવાની ધારણા છે.

છેલ્લા ત્રણ વર્ષમાં ભારતીય અર્થવ્યવસ્થામાં સુધારો થયો