ફોરેસ્ટ ગાર્ડની ભરતી રદ કરવાની માંગ સાથે ગુજરાતમાં ઉમેદવારો દ્વારા વિરોધ યથાવત

રાજ્યમાં ફરી એક આંદોલનના એંધાણ મંડાણા ગાંધીનગર રામકથા મેદાન ખાતે આંદોલન કર્યા બાદ રાતવાસો પણ રામકથા મેદાનમાં જ કર્યો હતો, જોકે વહેલી સવારે ઉમેદવારોની અટકાયત કરતાં મામલો ગરમાયો હતો

રાજ્યમાં ફરી આંદોલનના એંધાણ મંડાણા છે. વાસ્તવમાં છેલ્લા કેટલાક દિવસોથી રાજ્યમાં ફોરેસ્ટ ગાર્ડની ભરતીને લઈ ઉમેદવારો મેદાને ઉતર્યા છે. સ્થિતિ એવી છે કે, ફોરેસ્ટ ગાર્ડની ભરતી મામલે ગાંધીનગર ખાતે ઉમેદવારો દ્વારા આંદોલન શરૂ કરવામાં આવ્યું છે. ત્યારે ઉમેદવારો દ્વારા બેઠક વધારવા, પરીક્ષા પદ્ધતિ રદ્દ કરવા તથા પરિણામ જાહેર કરવાની માંગ સાથે દેખાવો કરી રહ્યા છે.