ચીન દ્વારા ઇન્ટરકોન્ટિનેન્ટલ બેલેસ્ટિક મિસાઇલનું સફળ પરીક્ષણ કરવામાં આવ્યું

પ્રથમ વખત માહિતી જાહેર કરવામાં આવી

મિસાઈલ અપેક્ષિત જગ્યાએ સમુદ્રમાં પડી હતી । મિસાઈલના માર્ગ વિશે અથવા તે પ્રશાંત મહાસાગરમાં કયાં પડી તે અંગેની માહિતી આપવામાં આવી નથી

ચીને પહેલીવાર જાહેરમાં સ્વીકાર્યું છે કે તેણે બુધવારે પ્રશાંત મહાસાગરમાં ઇન્ટરકોન્ટિનેન્ટલ બેલેસ્ટિક મિસાઇલનું સફળતાપર્વક પરીક્ષણ કર્યું હતું. ચીનના સંરક્ષણ મંત્રાલયે એક નિવેદનમાં જણાવ્યું હતું કે ઇન્ટરકોન્ટિનેન્ટલ બેલેસ્ટિક મિસાઇલ ડમી વોરહેડ સાથે ફીટ કરવામાં આવી હતી અને પીપલ્સ લિબરેશન આર્મીના રોકેટ ફોર્સ દ્વારા સ્થાનિક સમય મુજબ સવારે ૮.૪૪ વાગ્યે લોન્ચ કરવામાં આવી હતી. આ મિસાઈલ અપેક્ષિત જગ્યાએ સમુદ્રમાં પડી હતી.