શંભુ બોર્ડર પર તણાવ । પોલીસે ખેડૂતો પર ટીયર ગેસના શેલ છોડ્યા

પંજાબ અને હરિયાણાની સરહદ પર । ૧૦૧ ખેડૂતોના જૂથે દિલ્હી તરફ પગપાળા કૂચ શરૂ કરી સુપ્રીમ કોર્ટે કેસની સુનાવણી માટે થોડો સમય માંગ્યો છે અને સૂચન કર્યું છે કે ખેડૂતોએ તેમના વિરોધને રોકવા વિશે વિચારવું જોઈએ : અનિલ વિજ

પંજાબ અને હરિયાણાની સરહદ પર શંભુ બોર્ડર પર વિરોધ સ્થળથી બપોરે ૧૨ વાગ્યે ૧૦૧ ખેડૂતોના જૂથે દિલ્હી તરફ પગપાળા કૂચ શરૂ કરી. આ દરમિયાન ખેડૂતોને રોકવા માટે પોલીસે તેમના પર ટીયર ગેસના સેલ છોડ્યા હતા. મળતી માહિતી મુજબ આ દરમિયાન કેટલાક ખેડૂતો ઘાયલ થયા છે. જેમને નજીકની હોસ્પિટલમાં સારવાર માટે દાખલ કરવામાં આવ્યા છે. શંભુ બોર્ડરથી દિલ્હી તરફ ફરી શરૂ થવાની ખેડૂતોની વિરોધ કૂચના કલાકો પહેલાં, હરિયાણા સરકારે જાહેર શાંતિ' જાળવવા માટે અંબાલા જિલ્લાના ૧૨ ગામોમાં મોબાઇલ ઇન્ટરનેટ અને બલ્ક એસએમએસ સેવાઓ સ્થગિત કરી દીધી હતી. અધિક મુખ્ય સચિવ (ગૃહ) સુમિતા મિશ્રા દ્વારા જારી કરાયેલા આદેશ અનુસાર, આ સસ્પેન્શન ૧૭ ડિસેમ્બર સુધી અમલમાં રહેશે.