દેશમાં ખેડુતોની સ્થિતીને વધુને વધુ મજબુત કરવાની જરૂર ચોક્કસપણે દેખાઇ રહી છે

જુદા જુદા મુદ્દાઓને ખેડુતો સતત આંદોલન કરતા જ રહે છે.... કોર્પોરેટ જગતની સાથે સાથે કોરોના કાળમાં ખેડુતોને પણ એટલુ જ મહત્વ મળે તે જરૂરી છે એકબાજુ લોકડાઉનના કારણે કોર્પોરેટ જગતની કમર તુટી ગઇ છે જ્યારે બીજી બાજુ ખેડુતોની આવક પણ છે

સ્ટાર્ટ અપ શરૂ કરનાર યુવાનોને તો સરકાર રાહતો આપે છે પરંતુ ખેડુતો પ્રત્યે ઉદાસીન રહે છે: હકીકતમાં ખેડુતો પહેલા મજબુત બને તે જરૂરી

દેશમાં ખેડુતોની સ્થિતીને વધુને વધુ મજબુત જરૂર ચોક્કસપણે દેખાઇ રહી છે. તમામ લોકો આ બાબત તો સ્વીકાર કરે છે કે આજે ખેડુતોની તુલનામાં કોર્પોરેટ જગત સાથે જોડાયેલા લોકોને વધારે રાહત મળી રહી છે. તેમને વધારે મજબુત કરવાના પ્રયાસ તમામ સ્તરે થઇ રહ્યા છે. ખેડુતોને મજબુત કરવાના પ્રયાસ પણ થઇ રહ્યા છે પરંતુ તેની ગતિ જે પ્રકારની છે તે ખુબ ઉદાસીન કરનાર છે. કોર્પોરેટ કરતા પહેલા ખેડૂતોની સ્થિતીને વધારે મજબુત કરવાની જરૂર છે.કોરોના વાયરસના કારણે તમામને ખુબ માઠી અસર થઇ છે.