குடிநீர் இயக்க திட்டத்தை - சிறப்பாக செயல்படுத்தியதில் தேசிய அளவில் சேலம் மாவட்டம் முதல் இடம்

அமைச்சரிடம் வாழ்த்து பெற்ற ஆட்சியர்

2022 - 2023 ஆண்டிற்குறிய ஊரக குடிநீர் இயக்க திட்டத்தை சிறப்பாக செயல்படுத்தியதில் தேசிய அளவில் சேலம் மாவட்டம் முதல் இடம் பெற்றமைக்கான சான்றிதழினை நிர்வாகத்துறை அமைச்சர் கே.என்.நேருவிடம் சேலம் நகராட்சி மாவட்ட ஆட்சித்தலைவர் பிருந்தாதேவி அஸ்தம்பட்டி ஆய்வு மாளிகையில் நேரில் சந்தித்து வாழ்த்து பெற்றார்கள்.

சேலம் மாவட்டத்தில் உள்ள 20 ஒன்றியங்களில் 385 ஊராட்சிகளுக்குட்பட்ட 5109 குக்கிராமங்களுக்கும் ஊரக குடிநீர் இயக்க திட்டத்தில் 1272 பணிகள், மற்றும் ஒருங்கிணைத்த 14வது மற்றும் 15வது நிதிக்குழு ஆகிய திட்டங்களின் மூலம் மொத்தமுள்ள 6,47,476 வீடுகளில் இதுவரை 5,40,905 (83.54 சதவீதம்) வீடுகளுக்கு தனி நபர் இல்ல குடிநீர் இணைப்புகள் வழங்கப்பட்டுள்ளது. மீதமுள்ள 1,06,571 வீடுகளுக்கும் 31.12.2024க்குள் நடைபெற்று வரும் பணிகள் அனைத்தும் முடிக்கப்பட்டு குடிநீர் இணைப்புகள் வழங்கப்பட தொடர் நடவடிக்கைகள் மேற்கொள்ளப்பட்டு வருகிறது.