அண்ணாமலைப் பல்கலைக்கழகத்தில் சாதனை மாணவர்களை ஊக்கப்படுத்தும் நிகழ்ச்சி

சிதம்பரம், நவ.20கடலூர் மாவட்டம், சிதம்பரம் அண்ணாமலைப் பல்கலைக்கழக பொறியியல் மற்றும் தொழில்நுட்பபுலம் (Faculty of Engineering and Technology-FEAT) யில் 1984 -1988ம் கல்வி ஆண்டில் படித்த முன்னாள் மாணவர்கள் ஒன்றிணைந்து, கடந்த 2018ம் ஆண்டு முதல் ஆண்டு தோறும் அண்ணாமலைப் பல்கலைக்கழக பொறியியல் புலத்தில் கல்விச் சாதனையாளர்களுக்கான விருது வழங்கும் நிகழ்வை தொடங்கி செயல்படுத்தி வருகின்றனர்.

இதையடுத்து, கடந்த 2020 - 2024 கல்வி ஆண்டில் தேர்ச்சிப் பெற்ற மாணவர்களை கௌரவிக்கும் கல்விச் சாதனையாளர்கள் விருது வழங்கும் திட்ட நிகழ்வான “டாப்பர் 'ஸ்ஈவென்ட்” வழங்கி (Topper's Event) பல்கலைக்கழகத்தின் பொறியியல் மற்றும் தொழில்நுட்பபுல நிகழ்ச்சி அரங்கத்தில் சிறப்பாக நடைபெற்றது. இந்நிகழ்வில், அண்ணாமலைப் பல்கலைக்கழக பொறியியல் புலத்திலுள்ள அனைத்து துறைகளிலும் 2020- 24 கல்வி ஆண்டில், தேர்ச்சிப் பெற்று முதல் ஐந்து இடங்களை பிடித்து கல்விச் சாதனை செய்த 66 மாணவர்கள் தேர்ந்தெடுக்கப்பட்டு அவர்களின் கடின உழைப்பை அங்கீகரிக்கும் விதத்தில் அவர்களுக்கு சான்றிதழ், விருது கேடயம் மற்றும் ஊக்கத்தொகை கௌரவிக்கப்பட்டது. அண்ணாமலைப் பல்கலைக்கழக பாரம்பரியத்தின் ஒருபகுதியாக திகழும் இந்த நிகழ்வில் அண்ணாமலைப் பல்கலைக்கழகத்தின் துணைவேந்தர், முதுமுனைவர் இராம.

கதிரேசன் தலைமையேற்று மாணவர்களுக்கு பரிசுகளை வழங்கினார்.