வளர்ச்சித் திட்டப்பணிகள் குறித்து ஆலோசனைக் கூட்டம்

ஈரோடு மாவட்ட ஆட்சியரக கூட்டரங்கில் வீட்டுவசதி மற்றும் நகர்ப்புற வளர்ச்சித்துறை அமைச்சர் முத்துசாமி தலைமையில், ஈரோடு மாவட்டத்தில் நடைபெற்று வரும் வளர்ச்சித் திட்டப்பணிகள் குறித்து அனைத்துத்துறையினரும் அலுவலர்கள் ஆலோசனைக்கு கூடினார்கள்.

கூட்டம் தமிழ்நாடு முதலமைச்சர் ஆலோசனைப்படி, ஈரோடு மாவட்டத்தில் நடைபெற்று வரும் திட்டப்பணிகள் குறித்தும், இப்பணிகளை முன்னேற்றம் துரிதப்படுத்துவது குறித்தும், புதிய திட்டப்பணிகளை தொடங்குவது குறித்தும், தொடர்புடைய துறை அலுவலர்களுடன் ஆய்வு மேற்கொள்ளப்பட்டது. மேலும் 2025-26 நிதிநிலை அறிக்கையில் ஈரோடு மாவட்டத்திற்கு 660 கோடி ரூபாய் தனியாகவும், பொதுவாகவும் பல்வேறு திட்டங்கள் அறிவிக்கப்பட்டுள்ளன. இந்த அறிக்கைகளின் அடிப்படையில் மேற்கொள்ள வேண்டிய பணிகள் குறித்தும் நடைபெற்ற இக்கூட்டத்தில் துறை வாரியாக ஆலோசிக்கப்பட்டது.

இக்கூட்டத்தில் பெறப்பட்ட கருத்துக்கள் தமிழ்நாடு முதலமைச்சர் கவனத்திற்கு கொண்டு செல்லப்பட்டு, உரிய நடவடிக்கைகள் மேற்கொள்ளப்படும் என தெரிவித்தார்கள்.

தமிழ்நாடு முதலமைச்சர் கடந்த டிசம்பர் மாதம் ஈரோடு மாவட்டத்திற்கு வருகை தந்தபோது, மாவட்டத்திற்கான முத்திரைத் திட்டங்களை ஆய்வு செய்ததைத் தொடர்ந்து, அப்பணிகளின் முன்னேற்றம் குறித்து துறை வாரியாக ஆய்வு மேற்கொள்ளப்பட்டது. மேலும் சட்டமன்றத்தில் அறிவிக்கப்பட்ட திட்டங்களின் நிலைகள் குறித்தும் ஆய்வு மேற்கொள்ளப்பட்டது.

அந்த வகையில், சோலார் பேருந்து நிலைய பணிகள், ஈரோடு மாவட்டத்தில் பவானிசாகர் அணை மற்றும் கீழ்பவானி நீர்ப்பாசனத் திட்டங்களின் கீழ் திட்ட நிபந்தனைப் பட்டா பெற்றவர்களுக்கு தற்போது தட நிபந்தனையை தளர்த்து அயன் பட்டா வழங்குவதற்கான கருத்துரை அரசுக்கு அனுப்பி வைக்கப்பட்டுள்ளது.