અમદાવાદના 80 વર્ષથી વધુ વય સહિતના 2261 મતદારો પોસ્ટલ બેલેટથી મતદાન કરશે

વરિષ્ઠ, દિવ્યાંગ અને કોવિડના દર્દી એવા મતદારોએ ઘરેથી મતદાન કરવા દરખાસ્ત કરી અધિકારી અરજીઓની ચકાસણી કરી મતદાન માટે મંજૂરી આપશે

અમદાવાદના 80 વર્ષથી વધુ વયના 2261 મતદારોએ ઘરેથી પોસ્ટલ બેલેટ દ્વારા મતદાન માટે દરખાસ્ત કરી છે. આ યાદી જે તે વિધાનસભાના ચૂંટણી અધિકારી પાસે પહોંચી છે અને તેઓ ચકાસણી કર્યા બાદ મતદાન માટેની મંજૂરી અપાશે. મતદાન માટે ચાર સભ્યોની ટીમ નક્કી કરેલા રૂટ પર આવતા મતદારોના ઘરે જઈને સંપૂર્ણ ગુપ્તતા સાથે પોસ્ટલ બેલેટથી મતદાન કરાવશે. આ સમગ્ર પ્રક્રિયાનું વીડિયો રેકોર્ડીંગ પણ કરાશે. ત્યારબાદ તે પોસ્ટલ બેલેટ સિલબંધ કવરમાં મૂકી દેવાશે. જે મતદારોને પોસ્ટલ બેલેટથી મતદાનની મંજૂરી આપવામાં આવશે તેની યાદી રાજકીય પક્ષોના ઉમેદવારોને પણ અપાશે, જેથી તેઓ મતદાન વખતે પોતાના પ્રતિનિધિની નિયુક્તિ કરી શકે.