ખેરાલુના કેશરપુરા-ડભોડામાં આવી રહેલા વડાપ્રધાનને આવકારવા તડામાર તૈયારીઓ

મહેસાણા જિલ્લા માટે રૂ. 3,724 કરોડનાં લોકાર્પણ અને ખાતમુહૂર્ત કરાશે

મહેસાણા જિલ્લામાં ખેરાલુના કેશરપુરા ડભોડા ગામે આગામી ૩૦મી ઓકટોબરે વડાપ્રધાન નરેન્દ્રભાઈ મોદી ઉપસ્થિત રહી રાજ્યના સાત જિલ્લાના વિવિધ વિકાસ કામોનું લોકાર્પણ તેમજ ખાતમુહૂર્ત કરશે. દેશના વડાપ્રધાનને ભવ્ય રીતે આવકાર આપવા છેલ્લા કેટલાક દિવસોથી તડામાર તૈયારીઓ આરંભવામાં આવી છે. આ કાર્યક્રમમાં વિશાળ જનમેદની હાજર રહેવાની સંભાવનાને પગલે વહિવટી તંત્ર અને સુરક્ષા એજન્સીઓ પણ સાબદી બની છે. વડાપ્રધાનના કાર્યક્રમને લઈ  કેશરપુરા ડભોડા ગામની સીમમાં વિશાળ મંડપ ઉભા કરવામાં આવ્યા છે.