NSE લિસ્ટેડ કંપનીઓમાં રિટેલ શેરહોલ્ડિંગ સર્વોચ્ય સપાટીએ પહોંચ્યું

સપ્ટેમ્બરને અંતે પૂરા થયેલા ત્રિમાસિક ગાળામાં 7.62 ટકાની અત્યાર સુધીની સૌથી વધુ નોંધાયો

નેશનલ સ્ટોક એક્સચેન્જમાં લિસ્ટેડ કંપનીઓમાં રિટેલ રોકાણકારોનો હિસ્સો સપ્ટેમ્બર ક્વાર્ટરમાં વધીને 7.62 ટકાની સર્વકાલીન ઊંચી સપાટી એ પહોંચ્યો હતો, એમ પ્રાઇમ ડેટાબેઝ ગ્રૂપે જણાવ્યું હતું. સામાન્ય રોકાણકારો, કંપનીમાં 2 લાખ સુધીના શેરહોલ્ડિંગ ધરાવતા વ્યક્તિઓએ જુલાઈ-સપ્ટેમ્બરના સમયગાળામાં ₹7,596 કરોડની ચોખ્ખી ખરીદી કરી હતી. પ્રમોટર તરીકે સરકારનો હિસ્સો પણ વધીને 8.79 ટકાની પાંચ વર્ષની ઊંચી સપાટીએ પહોંચ્યો છે. પ્રાઈમ ડેટાબેઝ ગ્રુપના મેનેજિંગ ડિરેક્ટર, પ્રણવ હલ્દિયાએ જણાવ્યું હતું, જો કે 14-વર્ષના સમયગાળામાં સરકારનો હિસ્સો નોંધપાત્ર રીતે ઘટ્યો છે, જે 30 જૂન, 2009ના રોજ 22.48 ટકા હતો. જેનું મુખ્ય કારણ સરકારના વિનિવેશ કાર્યક્રમ છે.