એરપોર્ટ પરથી 20 દિવસમાં રોજનું સરેરાશ એક કિલો સોનું પકડાયું

દાણચોરી: અમદાવાદ એરપોર્ટ પર કસ્ટમના અધિકારીઓએ સાત કેસ કરી 20 કિલો દાણચોરીનું સોનું પકડ્યું

અમદાવાદ એરપોર્ટ પર કસ્ટમના અધિકારીઓએ બાતમી અને ચોક્કસ વ્યક્તિની શંકાસ્પદ ચહલ-પહલને કારણે તેને ઝડપી લઇને તેની પાસેથી દાણચોરીનું એક કિલો સોનું ઝડપી લીધુ હતું. આ સોનુ તે માઇક્રોવેવ ઓવનમાં છૂપાવીને લાવતો હતો. કસ્ટમના અધિકારીઓના જણાવ્યા મુજબ નવેમ્બર મહિનાના 20 દિવસમાં જ અધિકારીઓએ દાણચોરીનું 20 કિલો સોનુ ઝડપી લીધું છે. કસ્ટમ ઉપરાંત ડીઆરઆઈ તેમજ સેન્ટ્રલ એજન્સીના અધિકારીઓ એલર્ટ બની ગયા છે અને અમદાવાદ એરપોર્ટ પરથી સોનાની દાણચોરી અટકાવવાની કવાયત શરૂ કરવામાં આવી છે.