સોશિયલ મીડિયાની માહિતી PILમાં દલીલનો હિસ્સો ન હોઇ શકેઃ બોમ્બે HC

મહારાષ્ટ્રનાં જળાશયો પર સુરક્ષાના પગલાંની માગણી કરતી અરજી ફગાવી

સોશિયલ મીડિયામાંથી માહિતી એકત્ર કરીને દાખલ કરાયેલી એક જાહેર હિતની અરજીને ફગાવી દેતા બોમ્બે હાઈકોર્ટે મંગળવારે જણાવ્યું હતું કે સોશિયલ મીડિયામાંથી એકત્રિત કરાયેલી માહિતી જાહેર હિતની અરજી માં દલીલોનો હિસ્સો ન હોઈ શકે. મહારાષ્ટ્રમાં દર વર્ષે 1,500થી 2,000 લોકો અસુરક્ષિત જળાશયોમાં જીવ ગુમાવે છે અને તેથી સરકારે સુરક્ષા ના પગલાં લેવા જોઇએ તે અંગેની એક અરજી ફગાવી દેતા કોર્ટે આ અવલોકન કર્યું હતું.