રાહત : આજથી કોર્ટમાં રજૂ કરતા આરોપીને કોવિડ ટેસ્ટની જરૂર નહીં

WHOએ કોવિડના નિયંત્રણો હળવા કર્યાના છ મહિના બાદ આરોગ્ય વિભાગે પરિપત્ર જારી કર્યો ઓગસ્ટ 2020થી ગૃહ વિભાગના નિર્દેશથી કોર્ટમાં રજૂ કરાતા તમામ કેદીઓના કોવિડ ટેસ્ટ ફરજિયાત હતા

વિશ્વભરમાં હાહાકાર મચાવનાર કોરોના મહામારીને પગલે લાગુ થયેલા અનેક પ્રકારના નિયંત્રણો હવે દુનિયાભરમાંથી લગભગ દૂર કરી દેવાયા છે, પરંતુ કેટલાક નિયંત્રણો સરકારી પરિપત્રોના અભાવે આજ સુધી લાગુ હતા. એમાં રાજ્યભરની જેલમાં કોરોનાનું સંક્રમણ ન પ્રસરે માટે આરોપી ઓને કોર્ટમાં રજૂ કરતાં પહેલાં કોવિડ 19ના ટેસ્ટ ફરજિયાત હતા, આ ટેસ્ટ શુક્રવારથી દૂર કરવાની જાહેરાત આરોગ્ય વિભાગે કરી છે. હવે શુક્રવારથી કોઇપણ આરોપીને કોર્ટમાં રજૂ કરતાં પૂર્વે ફરજિયાત રીતે કરાવાતા કોવિડ-19 ટેસ્ટની હવે જરૂર રહેશે નહીં.