IPO T+3 લિસ્ટિંગઃ કંડિંગથી ઇસ્યૂ ભરનારા માટે રાહત

અગાઉ 7 દિવસ સુધી માર્જીનનું ભારણ હવે ઘટીને ૩ દિવસનું થતાં વ્યાજમાં બચત થશે

સેબીએ નવા આઇપીઓનું લિસ્ટિંગ 1 ડિસેમ્બરથી તેમની જાહેર ઓફર શરૂ કરનારી કંપનીઓએ T+3 ધોરણે એટલે કે આઇપીઓ બંધ થયાને ત્રીજા દિવસે કરવાનું રહેશે. આને કારણે HNI (ઉચ્ચ નેટવર્થ વ્યક્તિગત) જેઓ મોટા ભાગે ફંડિંગથી આઇપીઓમાં રોકાણ કરવાનું પસંદ કરે છે તેઓ માટે મોટી રાહત બનશે. આ વર્ગને અત્યાર સુધી ફેન્ડિંગ સામે સાત દિવસનું માર્જીન જેને વ્યાજ તરીકે પણ ઓળખી શકાય તે આપવું પડતું હતું. હવે આ સમય 3 દિવસનો થશે. આવા વર્ગને શેરોનું એલોટમેન્ટ થયું છે કે કેમ તેની જાણ બીજા જ દિવસે થઈ શકશે અને આઇપીઓનું લિસ્ટિંગ ત્રીજા દિવસે થતાં વ્યાજ પર લીધેલું ફંડ જાળવવું કે છૂટું કરવું તેનો નિર્ણય લઈ શકશે. સેબીએ આઇપીઓના લિસ્ટિંગનો સમયગાળો ઘટાડીને તરલતામાં વધારો કર્યો છે. જાણકારોનું કહેવું હતું કે આને કારણે આઇપીઓમાં રોકાણ વધુ આવશે.