ગૃહ મંત્રાલયે ‘ઘેર બેઠાં કમાણી’ની લાલચ આપતી 100 વેબસાઇટસ બંધ કરી

અજાણ્યાં લોકો સાથે ઓનલાઇન લેવડદેવડથી બચોઃ કેન્દ્ર સરકાર

‘ઘેર બેઠા’ તગડી કમાણી કરવાની આકર્ષક ઓફર આપીને વ્યાપક પ્રમાણ માં આર્થિક છેતરપિંડીનાં કેસ વધી રહ્યા છે, ત્યારે કેન્દ્ર સરકારે આવી 100થી વધુ વેબસાઇટો બ્લોક કરી છે. આ વેબસાઇટો ઓર્ગેનાઇઝ્ડ ઈન્વેસ્ટમેન્ટ અને ટાસ્ક બેઝ્ડ પાર્ટ ટાઈમ જોબ ફ્રોડના કામમાં સંડોવાયેલી હતી. આ વેબસાઇટો ગેરકાયદે રોકાણ સંબંધિત આર્થિક ગુનાઓ કરતી હતી. સરકારે જણાવ્યું હતું કે, કૌભાંડીઓ કમિશનની લાલચ આપે છે. આ પ્રકારના અજ્ઞાત લોકો સાથે લેવડદેવડ કરવાથી બચવું જોઈએ.