સંશોધન કરનાર છાત્રો-અધ્યાપકોને કેન્દ્રીય ગૃહમંત્રી અમિત શાહના હસ્તે સન્માનિત કરાશે

સમારંભમાં ૪૪ વિદ્યાર્થીઓ અને ૬૨ વિદ્યાર્થિનીઓ મળીને કુલ ૧૦૬ વિદ્યાર્થીઓને ગોલ્ડ મેડલ અને ગોલ્ડ પ્લેટેડ મેડલ એનાયત કરવામાં આવશે.

આણંદ વલ્લભ વિદ્યાનગર સ્થિત સરદાર પટેલ યુનિવર્સિટીનો ૧૬મી ડિસેમ્બરના રોજ યોજાનાર ૬૬મા પદવીદાન સમારંભમાં કેન્દ્રીય ગૃહમંત્રી અમિત શાહ દીક્ષાંત પ્રવચન આપશે. આ પ્રસંગે કેન્દ્રીય ગૃહમંત્રી અમિત શાહના હસ્તે સંશોધન કરનાર વિદ્યાર્થીઓ અને અધ્યાપકોને સરદાર પટેલ રિસર્ચ એવોર્ડ આપવામાં આવશે. તેમજ પ્રશ્નોપનિષદના વિજેતા વિદ્યાર્થીઓને પારિતોષિક આપવામાં આવશે.  આ ઉપરાંત વિશ્વના શ્રેષ્ઠ ૨ ટકા વૈજ્ઞાનિકોની યાદીમાં સમાવિષ્ટ ત્રણ પ્રાધ્યાપકોનું પણ સન્માન કરવામાં આવશે.