കോർമിഷിന്റെ ഓട്ടപ്പാച്ചിൽ

ഏറ്റവും കൂടുതൽ മത്സരങ്ങൾ ഗാലറിയിലിരുന്ന് കണ്ട് ഗിന്നസ് റെക്കോഡ് കുറിക്കാൻ പുറപ്പെട്ടതാണ് ഈ കാനഡ ആരാധകൻ

ദോഹ: ആദ്യ ദിനം അൽ ബെയ്ലിൽ ഖത്തർ-എക്വഡോർ പോരാട്ടം. രണ്ടാം ദിനം ഖലീഫ സ്റ്റേഡിയത്തിൽ ഇംഗ്ലണ്ട്-ഇറാൻ മത്സരവും പിന്നാലെ അഹമ്മദ് ബിൻ അ ലി സ്റ്റേഡിയത്തിൽ അമേരിക്ക വെയ്ൽസ് അങ്കവും...

കാനഡക്കാരനായ ലീ കോർമിഷ് ആദ്യ രണ്ടു ദിനങ്ങളിൽ കണ്ടുതീർത്ത മത്സരങ്ങളാണിത്. മൂന്നാം ദിനം നാലു പോരാട്ടങ്ങളുമായി ലോകകപ്പിന് ചൂടു പിടിച്ചതോടെ കോർമിഷിന്റെ ഓട്ടത്തിന് ടി. ഗ്രൂപ് റൗണ്ടിൽ ഓരോ ദിനവും രണ്ടു മത്സരങ്ങൾ. ശേഷം, നോക്കൗട്ട് തുടങ്ങിയാൽ മത്സരങ്ങളുടെ തിരക്ക് കൂടും... പ്രീക്വാർട്ടർ മുതൽ ഫൈനൽ വരെ തുടർച്ചയായി മത്സരങ്ങൾ.

 ലോകകപ്പ് ഫുട്ബാൾ ചരിത്രത്തിൽ ഒരു ടൂർണമെൻറിൽ ഏറ്റവും കൂടുതൽ മത്സരങ്ങൾ ഗാലറിയിലിരുന്ന് കാണുന്ന ആരാധകൻ എന്ന റെക്കോഡിലേക്കാണ് ഇപ്പോൾ ലീ കോർമിഷിന്റെ മരണയോട്ടം.