ഇന്ന് സത്യപ്രതിജ്ഞഹിമാചലിൽ സുഖ്വിന്ദർ സിങ് സുഖു മുഖ്യമന്ത്രിയാകും

മുകേഷ് അഗ്നിഹോത്രി ഉപമുഖ്യമന്ത്രി

ഷിംല: ബി.ജെ.പി ഭരണം അവസാനിപ്പിച്ച് ഹിമാചൽ പ്രദേശ് പിടിച്ച കോൺഗ്രസ് തിരക്കിട്ട നീക്കങ്ങൾക്കൊടുവിൽ സംസ്ഥാനത്തെ പ്രമുഖ നേതാവ് സുഖവിന്ദർ സിങ് സുഖുവിനെ മുഖ്യമന്ത്രിയായി തെരഞ്ഞെടുത്തു. സ്ഥാനത്തിനായി ഒന്നിലേറെ പേർ അവകാശവാദമുനയിച്ച സാഹചര്യത്തിൽ കാര്യങ്ങൾ കൈവിട്ടുപോകാതിരിക്കാൻ ജാഗ്രത പുലർത്തിയ ഹൈകമാൻഡ്, പ്രതിപക്ഷ നേതാവായിരുന്ന മുകേഷ് അഗ്നി ഹോത്രിയെ ഉപമുഖ്യമന്ത്രിയായും നിശ്ചയിച്ചു.