പൂവേ പൊലി....

ഐ.എസ്.എല്ലിൽ ഇന്ന് ബ്ലാസ്റ്റേഴ്സ്- പഞ്ചാബ് എഫ്.സി പോരാട്ടം

- ഫായിസ് അബൂബക്കർ

കൊച്ചി: പൂവും പൂക്കളവും ആഘോഷവുമായി തിരുവോണോഘോഷത്തിലിരിക്കുന്ന മലയാളിക്കിന്ന് ഇരട്ടി മധുരമാണ്. ഇന്ത്യൻ സൂപ്പർ ലീഗ് പതിനൊന്നാം സീസണിലെ ആദ്യ മത്സരത്തിന്റെ ആവേശത്തിലേക്ക് ബ്ലാസ്റ്റേഴ്സ് തിരിതെളിച്ചു തുടങ്ങുമ്പോൾ മലയാളക്കര ഓണാഘോഷത്തിമിർപ്പിന്റെ പൂർണതയിലാവും. എതിരാളികളായി പഞ്ചാബ് എഫ്.സി എത്തുന്നതോടെ പോരിന് മാറ്റുകൂടും. വൈകീട്ട് 7.30ന് കലൂർ ജവഹർലാൽ നെഹ്റു ഇന്റർനാഷനൽ സ്റ്റേഡിയത്തിലാണ് മത്സരം.

10 സീസൺ പൂർത്തിയാക്കിയ ബ്ലാസ്റ്റേ ഴ്സിനിത് വെറും മത്സരമായിരിക്കില്ല. പരിശീലകൻ മൈക്കൽ സ്റ്റാറേതന്റെ ആ ദ്യ ഐ.എസ്.എൽ മത്സരത്തിനായി ടീമിനെയിറക്കുമ്പോൾ ജയത്തിൽ കുറഞ്ഞതൊന്നും അദ്ദേഹവും ആരാധകരും പ്രതീക്ഷിക്കുന്നില്ല. പത്തു സീസണുകൾ പുർത്തിയാക്കിയെങ്കിലും കിരീടവാഴ്ച ബ്ലാസ്റ്റേ ഴ്സിന് കിട്ടാക്കനിയാണ്. മൂന്നു സീസണുകളിൽ ബ്ലാസ്റ്റേഴ്സിന്റെ കടിഞ്ഞാൺ നിയന്ത്രിച്ച ആശാൻ ഇവാൻ വകമനോവിച്ചിനെയടക്കം മാറ്റി ഇത്തവണ ടീമിൽ പ്രധാന അഴിച്ചുപണികളാണ് മാനേജ്മെന്റ് നടത്തിയിരിക്കുന്നത്. കഴിഞ്ഞ സീസണുകളിലെ ടീമിന്റെ വീഴ്ചകളിലും പ്രധാന കളിക്കാരെ നിലനിർത്താത്തതിലും മാത്രമല്ല, പുതുതായി പ്രമുഖരെ ടീമിലെത്തിക്കുന്നതിലും മാനേജ്മെന്റ് കാണിച്ച ഉദാസീനതയിൽ ആരാധകർ പരസ്യമായി നിരാശ പ്രകടിപ്പിച്ചിരുന്നു. അതുകൊണ്ട് മൂന്നുതവണ ഫൈനലിലും രണ്ടുതവണ നോക്കട്ടിലും വീണ ടീമിന് ഇത്തവണ ആരാധകർക്കിടയിൽ മതിപ്പുണ്ടാക്കിയേ തീരൂ.