വടക്കൻ ഇസ്രായേലിലും ലബനാനിലും ആക്രമണം

യുദ്ധപ്രഖ്യാപനമെന്ന് ഹസൻ നസ്റുല്ല പേജർ-വോക്കി ടോക്കി ആക്രമണത്തിൽ മരണം 37 യുദ്ധം പുതിയ ഘട്ടത്തിലെന്ന് ഇസ്രായേൽ മന്ത്രി

ബൈറൂത് ലബനാനിൽ നിരവധിപേർ കൊല്ലപ്പെടുകയും ആയിരങ്ങൾക്ക് പരിക്കേൽക്കുകയും ചെയ്ത പേജർ, വാക്കി ടോക്കി ആക്രമണങ്ങൾക്ക് പിന്നാലെ ലബനാനിലും ഇസ്രായേലിലും നടന്ന ആക്രമണങ്ങൾ മേഖലയിൽ യുദ്ധഭീതി ശക്തമാക്കി. ഇറാൻ പിന്തുണയുള്ള സായുധ സംഘമായ ഹിസ്ബുല്ല പ്രതികാരം പ്രഖ്യാപിച്ചതിന് പിന്നാലെയാണ് വ്യാഴാഴ്ച വടക്കൻ ഇസ്രായേലിൽ മിസൈലുകൾ പതിച്ചത്. രണ്ട് സൈനികർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു.