திருவண்ணாமலையில் நாளை மறுநாள் மகா தீபம்: மலை மீது ஏற பக்தர்களுக்கு கண்டிப்பாக அனுமதி இல்லை!

அமைச்சர் சேகர்பாபு அதிகாரப்பூர்வ அறிவிப்பு!!

திருவண்ணாமலையில் நாளை மறுநாள் மகா தீபம் ஏற்றப்படுகிறது. இந்த முறை மலை மீது ஏற பக்தர்களுக்கு கட்டாயம் அனுமதி கிடையாது என்று அமைச்சர் சேகர் பாபு தெரிவித்துள்ளார். அதே நேரத்தில் கோவில் வளாகத்தில் பரணி தீபம் ஏற்றப்படும் போது 300 பேர் மட்டும் அனுமதிக்கப்படுவார்கள்.

திருவண்ணாமலை அருணாச்சலேஸ்வரர் கோயிலில் ஒவ்வொரு ஆண்டும் கார்த்திகை தீப திருவிழா சிறப்பாக கொண்டாடப்படுகிறது. திருக்கார்த்திகை நாளில் அதிகாலை 4 மணி அளவில் கோவில் வளாகத்தில் பரணி தீபம் ஏற்றப்படும்.

அன்றைய தினம் மாலை 6 மணி அளவில் 2,668 அடி மலை உச்சியில் மகா தீபம் ஏற்றப்படும். இதை காண தமிழ்நாடு முழுவதிலும் இருந்து லட்சக்கணக்கான பக்தர்கள் வருவார்கள்.

அண்டை மாநிலங்களில் இருந்தும், சில வெளிநாடுகளில் இருந்தும் கூட மக்கள் வருவார்கள். இந்த ஆண்டு 40 லட்சம் பக்தர்கள் வருவார்கள் என எதிர்பார்க்கப்படுகிறது.

இதற்கான முன்னேற்பாடுகள் அனைத்தும் செய்யப்பட்டு வருகின்றன. 2 ஆயிரத்துக்கும் மேற்பட்ட அளவில் பஸ்கள் சிறப்பு விடப்படுகின்றன. விழுப்புரம் மற்றும் திருச்சி ஆகிய ஊர்களில் இருந்து சிறப்பு ரெயில்களும் இயக்கப்படுகின்றன.