അബദ്ധമെന്ന് മുഖ്യമന്ത്രി; പിൻവലിച്ച് തലയൂരി

വിരമിക്കൽ പ്രായവർധന

ആളിക്കത്തിയ യുവരോഷത്തിനു മുന്നിൽ മുട്ടുമടക്കി സർക്കാർ. ഇടതുമുന്നണിയിൽ നിന്ന് ഉൾപ്പെടെ പ്രതിഷേധം ശക്തമായതോടെ, പൊതുമേഖലാസ്ഥാപനങ്ങളിലെ വിരമിക്കൽ പ്രായം അറുപതാക്കി ഉയർത്തിയ തീരുമാനം പിൻവലിച്ചു. പൊതുമേഖലാ സ്ഥാപനങ്ങളിലെ സേവന-വേതന വ്യവസ്ഥകൾ ഏകീകരിക്കുന്നതു സംബന്ധിച്ച റിപ്പോർട്ട് അംഗീകരിച്ചപ്പോൾ, അതിൽ വിരമിക്കൽ പ്രായവും ഉൾപ്പെട്ടുപോയതാണെന്നു മുഖ്യമന്ത്രി പിണറായി വിജയൻ മന്ത്രിസഭാ യോഗത്തിൽ വ്യക്തമാക്കി. ആ ഭാഗം ഒഴിവാക്കി റിപ്പോർട്ട് നടപ്പാക്കാൻ പുതിയ ഉത്തരവിറക്കും.