ശ്രീറാമിനെതിരായ നരഹത്യാക്കുറ്റം ഒഴിവാക്കിയത് സ്റ്റേ ചെയ്തു

ശ്രീറാം വെങ്കിട്ടരമാൻ, വഫ എന്നിവർക്കും നോട്ടീസയക്കാനും  കോടതി ഇടക്കാല ഉത്തരവിൽ നിർദേശം നൽകി

കൊച്ചി: മാധ്യമപ്രവർത്തകൻ കെ.എം. ബഷീറിനെ കാറിടിച്ചു കൊലപ്പെടുത്തിയെന്ന കേസിൽ ശ്രീറാം വെങ്കിട്ടരാമനെതിരേ ചുമത്തിയ നരഹത്യാക്കുറ്റം ഒഴിവാക്കിയ നടപടി ഹൈക്കോടതി സ്റ്റേ ചെയ്തു. തിരുവനന്തപുരം അഡീഷണൽ സെഷൻസ് കോടതിയുടെ ഉത്തരവിനെതിരേ സംസ്ഥാന സർക്കാർ നൽകിയ അപ്പീൽ അനുവദിച്ചാണ് ജസ്റ്റിസ് സിയാദുൾ റഹ്മാന്റെ ഉത്തരവ്. കേസിലെ തുടർ നടപടി രണ്ടാഴ്ചത്തേക്കാണ് സിംഗിൾ ബെഞ്ച് സ്റ്റേ ചെയ്തിരിക്കുന്നത്. എതിർകക്ഷികളായ ശ്രീറാം വെങ്കിട്ടരമാൻ, വഫ എന്നിവർക്കും നോട്ടീസയക്കാനും  കോടതി ഇടക്കാല ഉത്തരവിൽ നിർദേശം നൽകി.