ജീവശ്വാസം

അർജന്റീന നേരിടേണ്ടത് പോളണ്ടിനെയാണ്.

ദോഹ: ലോകകപ്പ് ഫുട്ബോളിൽ മെക്സിക്കോയ്ക്കെതിരേ ജയിച്ചതോടെ അർജന്റീനയ്ക്ക് ജീവൻ തിരിച്ചുകിട്ടി. അവർ നോക്കൗട്ട് സാധ്യതകൾ സജീവവുമാക്കി. ഗ്രൂപ്പ് സിയിൽനിന്ന് പ്രീ ക്വാർട്ടറിലെത്തുക എളുപ്പമല്ല. രണ്ട് മത്സരങ്ങൾ വീതം പൂർത്തിയായപ്പോൾ നാല് ടീമുകൾ സാധ്യതയുണ്ട്. അവസാന മത്സരങ്ങളാകും ഒന്നും രണ്ടും സ്ഥാനക്കാരെ തീരുമാനിക്കുക.

അർജന്റീന നേരിടേണ്ടത് പോളണ്ടിനെയാണ്. ബുധനാഴ്ചയാണു മത്സരം. തോറ്റാൽ അർജന്റീന പുറത്തേക്കും പോളണ്ട് പ്രീ ക്വാർട്ടറിലേക്കും പോകും. അർജന്റീനക്ക് സാധ്യത നിലനിർത്താൻ ജയമോ സമനിലയോ അത്യാവശ്യമാണ്. ജയിച്ചാൽ ആറു പോയിന്റുമായി മറ്റു മത്സരഫലങ്ങളെ ആശ്രയിക്കാതെ പ്രീ ക്വാർട്ടറിലെത്താം. സമനിലയായാൽ സൗദി അറേബ്യയും മെക്സിക്കോയും തമ്മിലുള്ള മത്സരത്തെ ആശ്രയിക്കേണ്ടി വരും. സൗദി ജയിച്ചാൽ അർജന്റീനയും മെക്സിക്കോയും പുറത്താകും. ആറു പോയിന്റോടെ സൗദി കടക്കും. മെക്സിക്കോ ജയിച്ചാൽ അവർക്കും അർജന്റീനയ്ക്കും നാല് പോയിന്റ് വീതമാകും. അതോടെ ഗോൾ വ്യത്യാസമാകും പ്രീ ക്വാർട്ടറുകാരെ നിർണയിക്കുക മത്സര സൗദിയും മെക്സിക്കോയും സമനില വഴങ്ങിയാലും കുഴയും. സൗദിക്കും അർജന്റീനയ്ക്കും നാല് പോയിന്റ് വീതമാകും.