നാഡിഞരമ്പ് വലിഞ്ഞുമുറുകണ്

കഴിഞ്ഞ അഞ്ച് മത്സരങ്ങളിൽ അർജന്റീനയും കൊയേഷ്യയും രണ്ട് വീതം ജയിച്ചു. ഒരു മത്സരം സമനിലയായി. 2018 ജൂൺ 21 നു നടന്ന ലോകകപ്പ് മത്സരത്തിൽ 3-0 ത്തിനു ജയിച്ചതാണ് കൊയേഷ്യയുടെ ഏറ്റവും മികച്ച നേട്ടം. 2006 ൽ കൊയേഷ്യ 3-2 നു ജയിച്ചിരുന്നു.

ദോഹ: ഖത്തർ ഫുട്ബോൾ ലോകകപ്പിലെ ആദ്യ സെമി ഫൈനൽ ഇന്നു നടക്കും. ലുസെയ്ൽ സ്റ്റേഡിയത്തിൽ ഇന്ത്യൻ സമയം പുലർച്ചെ 12.30 മുതൽ നടക്കുന്ന സെമിയിൽ അർജന്റീനയും ക്രൊയേഷ്യയും ഏറ്റുമുട്ടും.

കാണികളുടെ എണ്ണത്തിലായിരിക്കും അർജന്റീനയ മുൻ തൂക്കമുണ്ടാകുക. 40,000 അർജന്റീന കാണികളാണു സ്റ്റേഡിയത്തിലെത്തുന്നത്. 89,000 പേരെ ഉൾക്കൊള്ളുന്ന സ്റ്റേഡിയത്തിലാണ് അവരെത്തുന്നത്.

ഹോളണ്ടിനെതിരേ നടന്ന ക്വാർട്ടർ ഫൈനലിൽ സ്റ്റേഡിയം അർജന്റീനയുടെ ഹോം ഗ്രൗണ്ടിനു സമാനമായിരുന്നു. ലയണൽ മെസിയെന്ന ഇതിഹാസവും ലൂകാ മോഡ്രിച്ചെന്ന മിഡ്ഫീൽഡർ മാസ്റ്ററോയുമായുള്ള പോരാട്ടമാണ് ഇന്നു നടക്കുന്നത്.

അർജന്റീനയും ക്രൊയേഷ്യയും തമ്മിൽ മൂന്നാം തവണയാണ്  ലോകകപ്പിൽ ഏറ്റുമുട്ടുന്നത്. 2018 ലോക കപ്പിൽ ക്രൊയേഷ്യ 3-0 ത്തിനു ജയിച്ചു.