ലോകത്തിലെ ഏറ്റവും മൂല്യമേറിയ 10 ബാങ്കുകളിലേക്ക് എച്ച്ഡിഎഫ്സി ബാങ്ക്

കസ്റ്റമേഴ്സിന്റെ എണ്ണത്തിലും കുതിച്ചുചാട്ടമുണ്ടാകും

 മുംബൈ: എച്ച്ഡിഎഫ്സി ബാങ്ക് ചരിത്ര നേട്ടത്തിലേക്കെത്തുന്നു. വായ്പാ രംഗത്തെ ഭീമനായ ഹൗസിംഗ് ഡെവലപ്മെന്റ് ഫിനാൻസ് കോർപ്പറേഷന്റെയും (HDFC Ltd) എച്ച്ഡിഎഫ്സി  ബാങ്കിന്റെയും (HDFC Bank) ലയനത്തിന് അനുമതിയായതോടെ ലോകത്തെ ഏറ്റവും മൂല്യമേറിയ ബാങ്കുകളിലൊന്നാകും എച്ച്ഡിഎഫ്സി ബാങ്ക്. നിലവിലെ മൂല്യനിർണയത്തിൽ മാതൃസ്ഥാപനമായ എച്ച്ഡി എഫ്സിയുമായി ലയിച്ചതിന് ശേഷം ലോകത്തിലെ ഏറ്റവും മൂല്യമേറിയ 10 ബാങ്കുകളിൽ എച്ച്ഡി എഫ്സി ബാങ്ക് ഉൾപ്പെടും. ആദ്യ 10 ബാങ്ക് എന്ന ക്ലബിൽ ഇടം നേടുന്ന ആദ്യ ഇന്ത്യൻ ബാങ്ക് കൂടിയാകും എച്ച്ഡിഎഫ്സി.