വന്ദേ ഭാരത് ട്രെയിനുകൾ വാങ്ങാൻ സമ്പന്ന വിദേശരാജ്യങ്ങളും

വന്ദേ ഭാരത് ട്രെയിൻ സെറ്റുകളുടെ വിലക്കുറവ് തന്നെയാണ് വിദേശരാജ്യങ്ങളെ ആകർഷിക്കുന്നതിന് പ്രധാന കാരണം.

ന്യൂഡൽഹി: ഇന്ത്യയുടെ തനത് സാങ്കേതികതയിൽ നിർമ്മിക്കപ്പെട്ട വന്ദേ ഭാരത് എക്സ്പ്രസ് ട്രെയിൻ സെറ്റുകൾക്ക് അന്തർദ്ദേശീയ തലത്തിൽ ഡിമാൻഡ് ഏറുന്നു. നേരത്തെ വികസ്വര രാജ്യങ്ങളിൽ നിന്നുള്ള ആവശ്യക്കാരെയാണ് ഇന്ത്യ പ്രതീക്ഷിച്ചിരുന്നത്. എന്നാൽ ഇപ്പോൾ കാനഡ പോലുള്ള വികസിത രാജ്യങ്ങളും ഇന്ത്യയുടെ വന്ദേ ഭാരതിൽ താൽപ്പര്യം പ്രകടിപ്പിച്ച് രംഗത്തുണ്ട്. മലേഷ്യ, ചിലി എന്നീ രാജ്യങ്ങളും വന്ദേഭാരതിൽ താൽപ്പര്യം അറിയിച്ചിട്ടുണ്ട്.