સાવધાન! શ્રાવણિયા તહેવારોમાં ફરાળી વસ્તુઓની શુદ્ધતાની કોઈ ખાતરી નથી

ભેળસેળખોરો સૌથી વધુ વપરાશમાં આવતાં બફવડાંમાં મકાઈનો લોટ વાપરે છેઃ ફરાળી ચેવડામાં ઘણી વખત ફૂગ વળી જાય છે

અમદાવાદ, બુધવાર

પવિત્ર શ્રાવણ માસ આડે હવે ગણતરીના કલાકો બાકી રહ્યા છે. આવતી કાલે અમાસથી જ શ્રાવણના એકટાણા અને ઉપવાસનો પ્રારંભ થશે. આ આખા મહિનામાં વ્રતો-તહેવારોની રમઝટ જામે છે. શ્રાવણિયા તહેવારોમાં એકટાણું-ઉપવાસ રાખવાનો પણ અનેરો મહિમા છે. અનેક ભાવિક ભક્તો તો આખો શ્રાવણ મહિનો ઉપવાસ કરીને શિવશંભુની હૃદયપૂર્વક આરાધના કરે છે, પરંતુ આવા શ્રદ્ધાળુઓએ સાવધાન રહેવાની ખાસ જરૂર છે, કેમ કે અમદાવાદમાં ભેળસેળિયા રાજાઓની બોલબાલા હોવાથી ઉપવાસ કે એકટાણામાં હોંશેહોંશે ખવાતી ફરાળી વસ્તુઓમાં શુદ્ધતાની કોઈ ખાતરી હોતી નથી.