ડિગ્રીની સાથે સાથે સ્કિલ પણ જરૂરી

વર્ષ ૨૦૧૯ની ઇન્ડિયા સ્કિલ્સના રિપોર્ટ અનુસાર ગ્રેજ્યુએશન કરનારા ૫૩ ટકા યુવાનો એ લાયક નથી કે તેમને કોઇ રોજગાર આપી શકાય, કેમકે તેમની પાસે ડિગ્રી તો છે, પરંતુ સ્કિલ નથી

ભારતમાં કોલેજો અને યુનિવર્સિટીઓ તો પર્યાપ્ત સંખ્યામાં છે જ, પરંતુ તેમાંથી કેટલાકની હાલત ઠીક નથી. ત્યાં બેઠકોની કમી છે. આ વર્ષે ક્યુએસ વર્લ્ડ રેન્કિંગ અનુસાર દુનિયાની ટોપ ૨૦૦ યુનિવર્સિટીમાં ભારતની ફક્ત ત્રણ શિક્ષણ સંસ્થાઓ સામેલ છે. જેમાં આઇઆઇટી બોમ્બે ૧૭૨માં નંબરે, ઇન્ડિયન ઇન્સ્ટિટ્યૂટ ઓફ બેંગલુરુ ૧૮૫માં નંબરે અને આઇઆઇટી દિલ્હી ૧૯૩મા નંબરે છે.

દુનિયાની ૧૦૦૦ યુનિવર્સિટીઝમાં આપણા દેશની માત્ર ૨૨ જ સામેલ છે. ગુણવત્તાપૂર્ણ શિક્ષણ આપનારી સંસ્થાઓની સંખ્યા આપણા દેશમાં બહુ ઓછી છે. હવે સ્કૂલ બોર્ડ્સમાં પાસ થનારાં બાળકોની સંખ્યા દર વર્ષે વધી રહી છે.

હજારો વિદ્યાર્થીઓ પોતાની મનપસંદ કોલેજ અને પોતાના મનપસંદ કોર્સમાં એડમિશન મેળવી શકતા નથી કેમકે વધારે પાસઆઉટ સ્ટુડન્ટ્સના કારણે એડમિશનની રેસ હવે વધુ મુશ્કેલ બની છે.