ઉત્તરાખંડમાં આકાશી આફતઃ ઠેરઠેર ભૂસ્ખલન, બદરીનાથ યાત્રા અટકાવાઈ

ગંગોત્રી હાઈવે છેલ્લા ૧૨ કલાકથી બંધઃ જમ્મુ-કાશ્મીરમાં ૩૦ લોકોને રેસ્ક્યુ કરાયા

નવી દિલ્હી, શનિવાર

દેશનાં ઉત્તરાખંડ, જમ્મુ-કાશ્મીર અને રાજસ્થાન સહિત કેટલાંય રાજ્યોમાં હજુ પણ અતિભારે વરસાદ અને પ્રચંડ પૂર સહિતની આકાશી આફતનો કહેર વરસી રહ્યો છે. ઉત્તરાખંડમાં અતિભારે વરસાદના કારણે ઠેરઠેર ભૂસ્ખલન થતાં સ્થિતિ વધુ કફોડી બની છે. ચમૌલી જિલ્લામાં નેશનલ હાઈવેનો એક ભાગ ધોવાઈ જતાં બદરીનાથ યાત્રા અટકાવી દેવાની ફરજ પડી છે, જ્યારે ઉત્તરકાશી જિલ્લામાં ગંગોત્રી હાઈવે પણ છેલ્લા ૧૨ કલાક કરતાં વધુ સમયથી બંધ છે. ગંગોત્રી હાઈવે પર વારંવાર ભૂસ્ખલન થઈ રહ્યું છે.