CWG: ભારતે ક્રિકેટ, બોક્સિંગ રેસલિંગ, બેડમિન્ટનમાં પાકિસ્તાનને 'ધોઈ’ નાખ્યું

મેડલ ટેલીમાં કુલ ૬૧ મેડલ સાથે ભારત ચોથા ક્રમે, કુલ આઠ મેડલ સાથે પાકિસ્તાત ૧૮મા સ્થાને રહ્યું

નવી દિલ્હી, બુધવારઃ

ભારત-પાકિસ્તાન વચ્ચેના મુકાબલા હંમેશાં હાઈવોલ્ટેજ રહેતા હોય છે. કોમનવેલ્થ ગેમ્સ-૨૦૨૨માં પણ જ્યારે બંને દેશના ખેલાડી સામસામે ટકરાયા ત્યારે આખી દુનિયાની નજર આ મુકાબલા પર રહી હતી. બર્મિંગહામ કોમનવેલ્થ ગેમ્સમાં ભારતે ક્રિકેટના મેદાનમાં પાક.ને હરાવવા ઉપરાંત અલગ અલગ મુકાલામાં કુલ મળીને ૧૦ વખત માત આપી. આજે એ મુકાબલા પર નજર કરીએ, જેમાં ભારતીય ખેલાડીઓએ પાકિસ્તાની ખેલાડીઓને ધૂળ ચટાડી દીધી.

બેડમિન્ટનમાં ત્રણ વાર માત આપી

♦ બેડમિન્ટન સિંગલ્સમાં ભારતની આકર્ષિ સામે પાકિસ્તાનની મહરુર શહજાદનો પડકાર હતો. આકર્ષિએ પ્રથમ ગેમ જીતી પણ લીધી હતી અને બીજી ગેમમાં મજબૂત સરસાઈ મેળવી લીધી હતી, પરંતુ શહજાદ રિટાયર્ડ આઉટ થઈ ગઈ.