પતિ અને દીકરાના ત્રાસથી પરિણીતાએ ટ્રેન નીચે પડતું મકી આત્મહત્યા કરી

મૃતક મહિલાના પતિ મહેસૂલ વિભાગમાં અધિકારી હતા અને દીકરો ભાવનગર ખાતે શિક્ષણાધિકારી તરીકે ફરજ બજાવે છેઃ દીકરો જમીનનો માલિક બનવા માતાને ત્રાસ આપી મારઝૂડ કરતો હતો

અમદાવાદ, મંગળવાર

શહેરમાં વારંવાર મહિલાઓને અપાતા માનસિક અને શારીરિક ત્રાસના કિસ્સાઓમાં સતત વધારો નોંધાઇ રહ્યો છે ત્યારે શહેરમાં વધુ એક પરિણીતાએ પતિ તેમજ દીકરાના ત્રાસથી કંટાળીને જિંદગી ટૂંકાવી છે. પતિ તેમજ દીકરો જમીન બાબતમાં શારીરિક અને માનસિક ત્રાસ આપી માર મારતા હતા. પરિણીતાએ આખરે ત્રાસ સહન ન થતાં મણિનગર રેલવે સ્ટેશનના પ્લેટફોર્મ પર ચાલુ ટ્રેનની આગળ પડતું મૂકીને આત્મહત્યા કરી લેતાં ચકચાર મચી જવા પામી છે. પોલીસે આત્મહત્યા માટે દુપ્રેરણાનો ગુનો દાખલ કરીને વધુ તપાસ શરૂ કરી છે.

મણિનગરમાં રહેતા ૮૦ વર્ષીય જગદીશભાઈ ઠક્કરે જમાઈ અને દોહિત્ર વિરુદ્ધ ફરિયાદ નોંધાવી છે. જગદીશભાઈને સંતાનમાં બે દીકરા અને ચાર દીકરીઓ છે.