પતિએ ‘હું મરી જઈશ’ તેવો મેસેજ કર્યો તે પત્નીએ ઉદર મારવાની દવા પી લીધી

વ્યાજખોરોને રૂપિયા ચૂકવી ન શકતાં યુવકે જીવન ટૂંકાવવાનો નિર્ણય કર્યો હતો

અમદાવાદ, શુક્રવાર

વસ્ત્રાલમાં પતિએ વ્યાજખોરો પાસેથી લીધેલા રૂપિયા ચૂકવી ન શકતાં તેણે ઘરેથી નીકળીને આપઘાત કરવાનો મેસેજ પત્નીને કર્યો હતો. જેથી પત્નીનાં મનમાં લાગી આવ્યું કે હવે હું જીવીને શું કરીશ આમ વિચારીને તેણે ઉદર મારવાની દવા પીને આત્મહત્યા કરવાની કોશિશ કરી હતી. વસ્ત્રાલના ઘનશ્યામ ફ્લેટમાં રહેતાં ભાવનાબહેન પટેલે ફરિયાદ કરી છે.

ભાવનાબહેનના પતિ લલિતભાઈ રઘુલીલા રેસિડેન્સીના કોમ્પ્લેક્સમાં ઉમિયા મોટર નામની દુકાન ધરાવે છે અને છેલ્લા થોડા સમયથી તેમનો વેપાર બરાબર ચાલતો ન હતો. તેથી તે ચિંતામાં રહેતા હતા.