ગરબે જરૂર ઘૂમો, પણ સતર્ક રહોઃ નવરાત્રિ પર્વમાં શાતિર લોકોનો ‘શિકાર’ ન બનતા

આનંદના અતિરેકમાં યુવાઓ ક્યારેક કોઈ વ્યક્તિની જાળમાં ફસાઈને પોતાની જિંદગી બરબાદ કરી નાખતા હોવાથી વાલીઓ વિશેષ ચિંતિત

અમદાવાદ, મંગળવાર

યુવાઓના સૌથી પ્રિય તહેવાર નવરાત્રિ પર્વનો પ્રારંભ થઈ ચૂક્યો છે અને ખેલૈયાઓ ગરબે ઘૂમવાનો આનંદ ઉઠાવી રહ્યા છે. બાળકોથી લઈને વયોવૃદ્ધ લોકો પણ શક્તિ આરાધનાના પર્વ નવરાત્રિમાં ગરબા રમવાનો અનેરો આનંદ માણતા હોય છે. નવરાત્રિ પર્વમાં ગુનેગારો પણ સક્રિય બની જતા હોય છે. ઘરથી દૂર દૂરનાં અંતરે પાર્ટી પ્લોટ અને ફાર્મ પર યોજાતી ગરબા પાર્ટી ક્યારેક ભયાનક પણ સાબિત થતી હોય છે. નવરાત્રિમાં આનંદના અતિરેકમાં ભાન ભૂલેલાં યુવાઓ ડેટ રેપ, ગેંગ રેપ અને બ્લેકમેઈલિંગનો શિકાર પણ બની જાય છે. નવરાત્રિ દરમિયાન કેટલાક હવસખોરો, નકલી પોલીસ અને શાતિર ગુનેગારો ‘શિકાર’ શોધવા આતુર હોય છે. ઉલ્લેખનીય છે કે, નવરાત્રી પર્વ દરમિયાન આનંદના અતિરેકમાં ક્યારેક યુવાઓ કોઈની જાળમાં ફસાઈને જિંદગી બરબાદ કરી નાખતા હોવાથી વાલીઓ વિશેષ ચિંતિત રહેતા હોય છે.

રાતના ગાઢ અંધકારમાં ચોરી અને લૂંટને અપાય છે અંજામ