વેપારી સામે હત્યા કરી હોવાનો રોફ માર્યો અને આરોપી પકડાયો

ઠક્કરબાપાનગરમાં બિનવારસી લાશનો ભેદ પોલીસે ઉકેલી દેતાં એક આરોપીને ઝડપી લીધો

અમદાવાદ, શુક્રવાર

શહેરના ઠક્કરબાપાનગરમાં ૨૨ ઓક્ટોબરના રોજ મળી આવેલી હત્યા કરાયેલી બિનવારસી લાશનો ભેદ પોલીસે ગણતરીના દિવસોમાં ઉકેલી દેતાં એક આરોપીની ધરપકડ કરી લીધી છે. આરોપીએ એક વેપારી સામે હત્યા કરી હોવાનો રોફ મારતાં અંતે પોલીસે તેને ઝડપી લીધો છે. આરોપીએ યુવક પાસે દારૂ પીવાના રૂપિયમાગ્યા હતા, જોકે યુવકે રૂપિયા નહીં આપતાં તેનું ગળું દબાવીને હત્યા કરવામાં આવી હોવાનો ખુલાસો થયો છે.