મચ્છુ નદીમાં વહેલી સવારથી NDRF અને સેનાની ટીમોએ સર્ચ ઓપરેશન હાથ ધર્યું

મોરબીની મચ્છુ નદીમાં જળકુંભી થઈ જવાના કારણે કટર મશીનથી તેને કાપવામાં આવી રહી છેઃ સારવાર દરમિયાન વધુ એક વ્યકિતના મોતના સમાચાર

અમદાવાદ, મંગળવાર

મોરબીનો ઝૂલતો પુલ ધરાશયી થવાને મામલે આજે વહેલી સવારથી એનડીઆરએફ તેમજ સેનાની ટીમોએ મચ્છુ નદીમાં સર્ચ ઓપરેશન શરૂ કર્યું હતું. મચ્છુ નદીમાં જળકુંભી થઇ જવાના કારણે આજ સવારથી કટર મશીન દ્વારા નદીને સાફ કરવામાં આવી રહી છે. એનડીઆરએફ તેમજ સેનાની ટીમનું માનવું છે કે જો કોઇ જળકુંભીમાં ફસાઇ જાય તો તેને બહાર કાઢવો મુશ્કેલ હોય છે અને જો મૃતદેહ પણ જળકુંભીમાં ફસાઇ જાય તો તે બહાર આવી શકતો નથી. તંત્રને શંકા છે કે હજુ કેટલાક લોકોના મૃતદેહ જળકુંભીમાં ફસાયા હોઈ શકવાની આશંકા છે. જેના કારણે સવારથી કામગીરીનો ધમધમાટ શરૂ થઇ ગયો છે.