માતા નોકરી પર ગઈ ત્યારે ધોરણ-૧૦માં ભણતો વિધાર્થી રહસ્યમય રીતે ગુમ થયો

પોલીસે ૨૦૦થી વધુ સીસીટીવી કેમેરાના ફૂટેજ ચેક કરી વિધાર્થીને શોધવા માટેની તજવીજ શરૂ કરી

અમદાવાદ, મંગળવાર

શહેરના ખોખરા વિસ્તારમાં ધોરણ-૧૦માં અભ્યાસ કરતો વિદ્યાર્થી રહસ્યમય રીતે ગુમ થયો હોવાની ઘટના સામે આવી છે. સગીરની માતા નોકરી પર ગઇ હતી ત્યારે તે સાઇકલ લઇને સ્કૂલે ગયો હતો. સગીર સ્કૂલથી પરત નહીં આવતાં તેની માતાએ ખોખરા પોલીસ સ્ટેશનમાં અપહરણની ફરિયાદ કરી છે. પોલીસે સગીરના ગુમ થવાના મામલે ગુનો દાખલ કરીને તપાસનો ધમધમાટ શરૂ કર્યો છે.