મહિલાએ ગુટખા ખાવાની ના પાડી તો કેબ ડ્રાઈવરે મારી નાખવાની ધમકી આપી

નરોડાનો ચોંકાવનારો બનાવઃ ડ્રાઈવરની હરકતોની જાણ મહિલાએ તેના પતિને કરતાં મામલો બીચક્યો

અમદાવાદ, મંગળવાર

પેસેન્જ૨ મહિલાએ ટેક્સીના ડ્રાઇવરને ગુટખા ખાવાની ના પાડી અને એસી ચાલુ કરવાનું કહેતાં મામલો પોલીસ સ્ટેશન સુધી પહોંચ્યો છે. ટેક્સીના ડ્રાઇવરે મહિલા પેસેન્જર અને તેની પુત્રીને રસ્તા વચ્ચોવચ ઉતારી દીધાં હતાં અને તે ગાળો બોલી જાનથી મારવાની ધમકી આપીને નાસી ગયો હતો. ડ્રાઇવર ગુટખા ખાતો ખાતો ફોન પર વાત કરતો હતો, જેથી પેસેન્જરે તેને ઠપકો આપ્યો હતો. મહિલા પેસેન્જરે સમગ્ર મામલે પતિને જાણ કરતાં તેણે કાર કેન્સલ કરીને બીજી કાર કરી લેવા કહેતાં મામલો બીચક્યો હતો.