૧૪ લાખના બદલામાં વ્યાજખોરે ૪૧ લાખનું મકાન હડપવાનું કાવતરું ઘડ્યું

'સિક્યોરિટી પેટે મકાન ગીરવે મૂકવું પડશે'કહી બાનાખત કરાવી દીધું: વ્યાજખોર સહિત છ લોકો વિરુદ્ધ ગુનો દાખલ

અમદાવાદ, મંગળવાર

શહેરના મોટેરા વિસ્તારમાં ઓએનજીસીમાં ટેકનિશિયન તરીકે નોકરી કરતી વ્યક્તિનું મકાન વ્યાજખોરે હડપ કરી લીધું હોવાનો ચોંકાવનારો બનાવ સામે આવ્યો છે. ટેકનિશિયનને ૧૪ લાખ રૂપિયાના બદલામાં વ્યાજખોરે સિક્યોરિટી પેટે મકાન રજિસ્ટર બાનાખત કરાવી લીધું હતું. ત્યાર બાદ દસ્તાવેજ પણ કરાવી લીધો હતો. રજિસ્ટર બાનાખતમાં વ્યાજખોરે મકાન ૪૧ લાખ રૂપિયામાં વેચાણ આપી દીધું હોવાનું લખાણ લખ્યું હતું.