અમદાવાદીઓ, ધોમધખતા તાપમાં શેકાવા માટે તૈયાર રહેજો, ગરમીમાં રાહત નહીં મળે

અચાનક જ ગરમીની તીવ્રતા ભયાનક હદે વધતાં ૧૦૮ને મળતા ઈમર્જન્સી કોલ અને બીમાર પડતા લોકોની સંખ્યા પણ વધી

અમદાવાદ, બુધવાર

અમદાવાદ સહિત રાજ્યભરમાં કાળઝાળ ગરમી વચ્ચે મોસમનો મિજાજ વારંવાર બદલાઈ રહ્યો છે ત્યારે હવામાન વિભાગની આગાહી અનુસાર આજે પણ શહેરીજનોને અસહ્ય ગરમીનો સામનો કરવા માટે તૈયાર રહેવું પડશે. શહેરીજનોને આજે ગઈ કાલ કરતાં વધારે ગરમીનો સામનો કરવો પડી શકે છે. બીજી તરફ દક્ષિણ ગુજરાતમાં કમોસમી વરસાદ પડશે. મહારાષ્ટ્રમાં અપર એર સર્ક્યુલેશન સક્રિય થતાં દક્ષિણ ગુજરાતમાં સુરત, વલસાડ, નવસારી, તાપી, ભરૂચ, છોટાઉદેપુર, દાહોદ અને નર્મદા જિલ્લામાં માવઠું પડશે. આજે ગુજરાતના મોટા ભાગનાં શહેરોમાં ગરમીનો પારો ૪૨ ડિગ્રી સુધી જઈ શકે છે.