રાહતઃ ગુજરાતમાં આગામી પાંચ દિવસ સુધી નવા હીટવેવની શક્યતા નથી

અમદાવાદમાં પણ ગરમીના પ્રમાણમાં બેથી ત્રણ ડિગ્રીનો ઘટાડો થઈ લોકોને હાશકારો મળશે

અમદાવાદ, સોમવાર

શહેર સહિત સમગ્ર રાજ્યમાં કાળઝાળ ગરમીએ લોકોને ભારે તોબા પોકારાવી દીધી છે. છેલ્લા આઠ-દસ દિવસથી આકાશમાં સૂર્યનારાયણ સતત અગનગોળા ઝીંકી રહ્યા હોઈ સમગ્ર જીવસૃષ્ટિ શેકાઈ રહી છે. અમદાવાદમાં ગ૨મી નવા નવા રેકોર્ડ બનાવી રહી છે, જોકે ભીષણ ગરમીના વાતાવરણ વચ્ચે પ્રજા માટે દિલાસારૂપ બાબત એ છે કે આગામી પાંચ દિવસ સુધી રાજ્યના એક પણ વિસ્તારમાં હીટવેવની આગાહી સ્થાનિક હવામાન વિભાગ દ્વારા કરાઈ નથી.