કેરળનાં મંદિરમાં RSSની પ્રવૃત્તિ પર પ્રતિબંધઃ શાખા લગાવી નહીં શકે

ભાજપે ત્રાવણકોર દેવસ્વમ પરિપત્ર બોર્ડના પરિપત્રનો ઉગ્ર વિરોધ કર્યો

તિરુવનંતપુરમ્, બુધવાર

કેરળનાં મંદિરમાં રાષ્ટ્રીય સ્વયંસેવક સંઘ (આરએસએસ)ની શાખા લગાવવા પર પ્રતિબંધ મૂકવામાં આવ્યો છે. કેરળમાં મંદિરનું સંચાલન સંભાળનાર ત્રાવણકોર દેવસ્વમ્ બોર્ડ (ટીડીબી) એ ૧,૨૪૮ મંદિરને પરિપત્ર જારી કર્યો છે, જેમાં કહેવામાં આવ્યું છે કે મંદિરમાં માત્ર ધાર્મિક વિધિ અને કાર્યક્રમ યોજવા જોઈએ. આરએસએસની કોઈપણ રાજકીય પ્રવૃત્તિ અથવા શાખાને પરવાનગી આપવી જોઈએ નહીં. ટીડીબી દ્વારા જારી કરાયેલા પરિપત્રને કોંગ્રેસે સમર્થન આપ્યું છે.