રથયાત્રા પૂર્વે અમદાવાદ જાણે યુપી-બિહાર બન્યું: આઠ હથિયાર, ૨૪ કારતૂસ મળ્યા

ક્રાઈમ બ્રાંચ અને એસઓજીએ દાણીલીમડા અને અસારવામાં ઓપરેશન પાર પાડી ત્રણ લોકોને ઝડપી પાડ્યા

અમદાવાદ, બુધવાર

રથયાત્રા પૂર્વે અમદાવાદ જાણે યુપી-બિહાર બની ગયું હોય તેવું લાગી રહ્યું છે, કારણ કે ક્રાઇમ બ્રાંચ અને એસઓજી સતત હથિયારના જથ્થા સાથે ખતરનાક આરોપીને ઝડપી રહી છે. જે રીતે આરોપી હથિયાર સાથે ઝડપાય છે તે જોતાં એવું કહી શકાય કે હવે ડ્રગ્સ બાદ હથિયારની તસ્કરી માટેનું અમદાવાદ હબ બની રહ્યું છે. સતત ઘણા દિવસથી ક્રાઇમ બ્રાંચ અને એસઓજી પિસ્તોલ, દેશી તમંચા સાથે ખતરનાક આરોપીને ઝડપી રહી છે ત્યારે ગઇ કાલે પણ દાણીલીમડાથી આઠ હથિયાર અને અસારવા અને ૨૪ જીવતા કારતૂસ સાથે ત્રણ શખ્સ ઝડપાયા છે.