પાણીજન્ય રોગચાળામાં ઉછાળો: ૧૫ દિવસમાં કમળાના ૧૦૬ કેસ

શહેરમાં ઝાડા-ઊલટીના ૩૫૧ અને ટાઇફોઇડના ૧૬૬ કેસ નોંધાતાં મ્યુનિસિપલ હેલ્થ વિભાગ દોડતો થયો

અમદાવાદ, મંગળવાર

શહેરીજનોને રોજબરોજ કનડતી સમસ્યામાં ટ્રાફિકજામ, રસ્તા, રખડતાં બિસમાર ઢોર, રખડતાં કૂતરાંની જેમ રોગચાળાની પણ છે. હવે જ્યારે ચોમાસું નજીક આવ્યું છે તેવા સમયે શહેરમાં પાણીજન્ય રોગચાળામાં ઉછાળો નોંધાયો છે. છેલ્લા ૧૫ દિવસમાં કમળાના તંત્રના ચોપડે સત્તાવાર ૧૦૬ કેસ નોંધાયા છે, જ્યારે બિનસત્તાવાર આંકને તપાસતાં શહેરમાં ૫૦૦થી વધુ કમળાના રોગી વિવિધ દવાખાના અને હોસ્પિટલમાં સારવાર હેઠળ છે.