સશક્તિકરણ માટે મહિલાઓએ ખૂબ સંઘર્ષ કરવા પડ્યા

આજે એવું કોઇ ક્ષેત્ર નથી, જ્યાં મહિલાઓએ પરચમ ન લહેરાવ્યા હોય, મહિલાઓએ દરેક ક્ષેત્રમાં તાકાતનો પરિચય આપ્યો છે. આર્મી, જ્યુડિશિયરી, સિવિલ સર્વિસીઝથી લઇને દરેક જગ્યાઓએ મહિલાઓનો જ દબદબો છે

મહિલા સશક્તિકરણની વાતો થવા લાગી છે. તેના માટે મહિલાઓએ ખૂબ જ સંઘર્ષ કરવા પડ્યા છે. એક એવો સમય હતો કે મહિલાઓએ ઘુંઘટમાં રહેવું પડતું હતું. ઘરના પુરુષો જમી લે પછી વધેલું ઘટેલું ખાવાનું ખાવું પડતું હતું. પુરુષો જમે તે પહેલાં જમવાનું તો અપશુકનિયાળ ગણાતું હતું. ઘરની દરેક વ્યક્તિના ગુસ્સાને પણ સહન કરવો પડતો. ખાસ કરીને પતિને તો પરમેશ્વર માનીને પૂજવામાં આવતો ભલે તે કઠોર હોય. ઘરમાં છોકરો જન્મે તો મીઠાઇ કે સાકર વહેંચવામાં આવતી, પરંતુ જો છોકરી જન્મે તો કહેવાતું કે પથરો આવ્યો છે. ધીમે રહીને પુરુષોને જણાવાતું કે તમારા ઘરમાં જાન આવી છે.

દીકરી જન્મે તો પરિવારો માટે શરમની વાત ગણાતી હતી. લોકો દીકરી જન્મે તેનાથી ડરતા હતા. કેટલીક જગ્યાએ તો દીકરીઓને જન્મતાંની સાથે મારી નાખવાની પણ પ્રથા હતી, પરંતુ હવે તેમ થતું નથી.