‘અસુરક્ષિત’ રેલવે સ્ટેશનઃ પેસેન્જર્સ સતત લૂંટાય છે પણ પોલીસ મૂકપ્રેક્ષક

રેલવે પોલીસ સ્ટેશનમાં ચાર મોબાઈલ ફોનની ચોરી તેમજ એક સોનાની ચેઈનની ચોરીની ફરિયાદઃ સિક્યોરિટી સજ્જ હોવા છતાં પણ ચોરીનું પ્રમાણ ઘટતું નથી

અમદાવાદ, શનિવાર 

રેલવે સ્ટેશન પેસેન્જર્સ માટે અસુરક્ષિત હોય તેમ કહેવું એકદમ યોગ્ય હોય તેવું લાગી રહ્યું છે, કારણ કે રોજબરોજ ચોરી તેમજ ચેઇન સ્નેચિંગના બનાવો બની રહ્યા છે. હાઇ સિક્યોરિટીથી સજ્જ કાલુપુર રેલવે સ્ટેશન ગુજરાતનું સૌથી મોટું રેલવે સ્ટેશન છે, જ્યાં રોજ લાખોની સંખ્યામાં પેસેન્જર્સની અવરજવર થતી હોય છે. આવી સ્થિતિમાં કેટલાક ગઠિયા પેસેન્જરના સ્વાંગમાં આવે છે અને મોબાઇલ ફોન, પર્સ, સોનાની ચેઇન સહિતની કીમતી ચીજવસ્તુઓની ચોરીની ઘટનાને અંજામ આપીને નાસી જાય છે. ગઇ કાલે કાલુપુર રેલવે પોલીસ સ્ટેશનમાં ચાર મોબાઇલ ફોનની ચોરી તેમજ એક સોનાની ચેઇન ચોરીની ફરિયાદ નોંધાઇ છે. આ તમામ ઘટના અલગ અલગ સમય પર બની છે, જેમાં પોલીસે ગઇ કાલે ગુનો દાખલ કર્યો છે.