વરસાદ દરમિયાન ઉત્તર-પશ્ચિમ ઝોનના આ ૭૧ રોડ પર ખાસ સાવધાન રહેજો

કેટલાક રોડમાં ખોદકામ કરેલા ભાગને રી-ઈન્સ્ટેટમેન્ટ કરાયો છે તો અમુક રોડમાં લેવલિંગ વર્ક પૂરું કરાયું છે, પરંતુ રી-ઈન્સ્ટેટમેન્ટ કામગીરી બાકી છે તો ક્યાંક ક્યાંક રોડ પર રી-ઇન્સ્ટેટમેન્ટની કામગીરી ચાલી રહી છે

અમદાવાદ, મંગળવાર

મ્યુનિ. તંત્રની વેબસાઇટ  WWW.ahmedabadcity.gov.in પરના પબ્લિક ઇન્ફર્મેશન વિભાગને ખોદીને તેના એફ્ટવેટેડ એરિયામાં જવાથી એક અથવા બીજા કારણસર ખોદકામ કરાયેલા રોડની વિગતો મળે છે. આ રોડ ચોમાસામાં વાહનચાલકો માટે જોખમી પુરવાર થઈ શકે તેમ છે. પશ્ચિમ ઝોનમાં આવા કુલ ૧૫ રોડ છે, જ્યારે ઉત્તર-પશ્ચિમ ઝોનમાં કુલ ૭૧ રોડ પરથી અવરજવર કરતી વખતે વાહનચાલકોએ સાચવવું જરૂરી છે.

ઉત્તર-પશ્ચિમ ઝોનના બોડકદેવ, થલતેજ, ઘાટલોડિયા, ચાંદલોડિયા અને ગોતા વોર્ડ પૈકી બોડકદેવ વોર્ડમાં સૌથી વધુ ૩૩ રોડ પર તંત્ર દ્વારા પાણીગટર લાઇન જેવા કામ અર્થે એક મીટરથી ચાર મીટર સુધીનું ખોદાણ કરાયું છે. તંત્ર દ્વારા જોખમી જાહેર કરાયેલા ઉત્તર પશ્ચિમ ઝોનના આ ૭૧ રોડ પૈકી કેટલાક રોડમાં ખોદકામ કરેલા ભાગને રી-ઈન્સ્ટેટમેન્ટ કરાયો છે તો અમુક રોડમાં લેવલિંગ વર્ક પૂરું કરાયું છે, પરંતુ રી-ઈન્સ્ટેટમેન્ટ કામગીરી બાકી છે તો ક્યાંક ક્યાંક રોડ પર રી-ઇન્સ્ટેટમેન્ટની કામગીરી ચાલી રહી છે.