પરસ્ત્રી સાથે સંબંધ નહીં રાખવાનું કહેતી સાસુને જમાઈએ છરીના ઘા ઝીંકી દીધા

મહિલાને વેવાણ અને તેની બે દીકરીઓએ પણ બચકાં ભરી ઈજાઓ પહોંચાડી

અમદાવાદ, ગુરુવાર

શહેરના ચાંદખેડા વિસ્તારમાં જમાઇએ સાસુને છરીના ઘા ઝીંક્યા હોવાની ચોંકાવનારી ઘટના સામે આવી છે. જમાઇના લફરા બાબતે મહિલા તેની વેવાણ અને પરિવારજનોને સમજાવવા માટે ગઇ હતી ત્યારે તેના પર હુમલો કરવામાં આવ્યો છે. મહિલાને વેવાણ અને તેની બે દીકરીઓએ બચકાં પણ ભર્યાં હતાં, જ્યારે જમાઇએ છરીના ઘા ઝીંકીને ધમકી પણ આપી હતી. મહિલાની દીકરીએ તેના પતિનું પરસ્ત્રી સાથે લફરું હોવાનું રેકોર્ડિંગ કર્યું હતું.